Emma笑了: 2016

2016年11月24日星期四

2016 曼谷遊

今次遊曼谷，又係幫襯CX holiday，見到半島酒店package個價錢幾抵，又包早餐又包下午茶，3晚酒店連CX機票，二人合共才＄7118，比起去年同樣時間，住Kempinski平了有$2000。當然論location，Kempinski係好好多，但論環境，客房舒適度，就是半島更勝一籌。

我們搭中午機，去到酒店都要4點，放低行李就到大堂來個afternoon tea

還有現場live music

味道當然是香港半島酒店好好多啦，不過免費又冇所謂啦

吃完就順便逛逛酒店

休息一會就出發去夜市Asiatique，在BTS Saphan Taksin 站有免費接駁船來這裡。這個夜市日要5PM才開，所以不用太早來。

呢個夜市太商業化，加上天氣又濕又熱，所以逛了一會便離開了

晚餐我們在網找了這間吃東北泰菜的Somtumder Der
（地址：5/5 Saladaeng Road, Silom, Bangkok，網址：www.somtunder.com)
這裡有很多外國人來，食物CP值高，味道不錯，簡單裝修，下次都可以再來。

2016年11月17日星期四

見到呢個topic，真的不禁苦笑十下。相信是人生中其中一個很難的課題。

首先講下我過往甘多年的理財方式。我基本上是月光一族，只是97年買左一層好細既樓自住，而當金融風暴、SARS負資產時都沒有賣掉，用13年供完，現在價值是當是的時候2倍有多。這是我唯一的物業。另外有一份唔想提的MPF，分別在4個不同的service provider裡，可想而知我是幾甘唔懂理財，幾甘唔想理佢地。手上的現金只夠我食飯買衫買手袋咁上下。

現在情況時，本來有人比張長期飯票我，我以為我就黎唔駛做，可以un un 腳做濶太啦（原來真係發梗夢）。點知呢個人(我稱佢為茂利一），同我一樣是唔識理財的。我同佢既分別是：

我只識洗錢唔會儲錢，所以沒有財需要理
佢只識儲錢唔會洗錢，但是所有有風險的投資是不會考慮，所以甘多年來只會做定期

好嘞，現在茂利一要明年提早退休，唔係，正確來說佢辭職唔做（因為佢未到退休年齡，所以give up 左公司既pension)，現在手上現金是足夠維持現在手活水平直至死（如果唔賭、唔會第三次世界大戰的話）。但我們希望是不動用老本，靠利息生活。現在我才發現原來用錢去揾錢是甘難的，我們倆人都沒有財商，錢揾錢這些不是我們本行的事，我們是不知曉、做不來的。話說我們第一筆共同決定的投資就是在6月23日買了巨額的英磅，事前睇左成8-9個月才出手的（有機會再講為什麼有這個決定），不用多說我們的下場是先輸20%價值，然後因為英國股票因英磅扁值的緣故勁升，我們又唔敢入市。現在只是做定期，冇錯，1%都沒有的定期。

痛定思痛，決定凡事都有一個開始，現在就讓我們呢倆個茂利從低B班開始學理財、學投資。

第一課，我要學識點樣唔會輸本，英磅的教訓很大，一定要分開多次兼分散投資，以前聽就聽得多，原來學識係要交甘多學費的。了解到原來超低B的我們，做投資做到＝賭博，好，我們要戒。

我們商量過，決定會把資金放在物業（英國＆香港）及股票市場（美國、英國、香港），我會就呢幾方面做的功課寫下筆記。雖然現在我地咩都唔識，長遠來說，今天付出的代價是會有回報的。

若有緣遇上高人，多多指教。

2016年11月15日星期二

簡易住家菜（附食譜）

時常都會被問到日常會煮什麼給D哥吃，其實我們倆人吃得很十分簡單，往往在私房菜或宴請朋友時的大魚大肉，均不會出現在我倆晚餐中。現在真的很少煮飯比D哥吃，下個月會好忙，更難有機會。昨晚説了今天會煮飯，他竟然興奮了一整天，也不是煮什麼特別的，只是煮些他喜歡的而已。年紀大了，都喜歡在家吃飯，但因為我天天煮給客人吃，變了放假的時候，一來累，一來想出去行下街，貪方便都會出街吃飯。

涼拌黑木耳

港式酸辣湯

西蘭花炒龍躉

金銀蒜蒸勝瓜

2016年11月7日星期一

Lunch @ Caprice

好姊妹談心，去了四季Caprice食lunch，好耐沒有來，抱著一點期望

麵包仍然不錯

Amuse Bouche - 我覺得都算是沒有誠意之作（吞拿魚和青瓜絲，真的嗎？）不如唔好整

頭盤點了
Bresse Chicken Leg Terrine, Red Wine Jelly, Solliès-Pont Figs
點呢個因為呢個做法複雜，工序多，材料多，心機菜一定要點，可是出來味道大家味道唔係好夾

朋友點了Poached Shrimps, Shellfish Jelly, Brittany Cauliflower Velouté

我的主菜都算是平平無奇，tomato confit 太咸
Whiting Fillet, Eggplant, Green Tomato, Wild Thyme, Menton Lemon

朋友點了Roasted Pork Chop, Black Pudding, Sautéed Reinette Apple
原來Sage 的豬鞍好食d

甜品真係有驚喜

Golden Apple Tart Tatin, Tahitian Vanilla Ice Cream
雖然佢地既homemade ice cream 唔係我喜歡的質地（不過好多人喜歡）但蘋果部份煮到恰到好處，又不會甜，十分滿意

朋友點了Solliès Fig Panna Cotta, Fig Marmalade, Honey Tuile
賣相麻麻，味道OK

Petite four，左手邊個puff真係超好味

星期一的中午，太部份客人都是工作午餐

黎得呢度都係食環境，食服務，至於味道，唔會難食，如遇到一兩樣好味道的菜式，就是bonus了。這是近幾年對星星餐廳的評價。

2016年11月6日星期日

2016旅遊總結及2017旅遊計劃

2016過得特別快，或許今年外遊多了，所以一轉即逝。明明說好了要寫遊記，到了現在堆積了一大堆相片和video，都不知從何入手。

一月份澳門遊

二月份東京之旅

四月份五個中女遊大阪

五月份台灣環島之旅（寫了3篇...)

六、七月地中海郵輪之旅

十月英國見家長之旅

十一月曼谷遊（未出發）

其實寫都是為了自己可以留個底做記錄，人一生匆匆走過一次，想留底一點痕跡

況且，做資料搜集時，發覺別人的遊記也實在幫了自己不少，參考和選擇去那裡都容易很多。

＊＊＊

2017年是我人生轉捩點，本以為會馬上過英國，郤事事遇到阻礙，既然如此，就不如順下天意，我的人生下半場由環遊世界開始。

其實好多地方我都未去過，以前旅行多數是去大城市，做d好香港人旅遊會做的事，吃吃吃吃吃和瘋狂購物。明年開始我只會拿背包旅行，給朋友的手信會是當地的一張明信片、郵票和我的思念的字句⋯⋯一切從心。

上半年重點背包行之旅，暫定如下：

4 月份國內西南部鐵路之旅(預計30天)

香港出發＞廣州＞桂林／陽朔＞貴州(黃果樹瀑布、油菜花田、苗寨)＞昆明(香格里拉、大理、麗江、西雙版納)＞長沙(鳳凰古城)＞香港

6月份由陸路經西伯利亞鐵路去英國(預計60天)

香港出發＞北京＞蒙古烏蘭巴托＞伊爾庫次克Irkutsk (貝加爾湖Lake Baikal) > 新西伯利亞Novosibrisk > 莫斯科Moscow (Golden Ring) > 聖彼得堡St. Perterberg > 波羅的海Baltic Sea三國(愛沙尼亞Estonia、拉脫維亞Latvia、立陶宛Lithuania) ＞ Scandinavia (芬蘭Finland、瑞典Sweden、挪威Norway、丹麥Denmark)＞尾站英國探親